zemra e krishtit Archives - Tradita Katolike

Muaji i Zemrës së Shenjtë të Krishtit, P. Enjell Sereqi S.J. – Dita e Katërt

Muaji i Zemrës së Shenjtë të Krishtit, P. Enjell Sereqi S.J. - Dita e Katërt

Urata e Gatimit

Une po besoj me nji fee t’gjaallë se jam para madhniis sate, o Zoti i em, eja o Shpiirtë e Korpë per me i dalë para Si e me adhrue.

Po permyzem me ftyrë per dhee me pellkë t’zemres po t’adhuroi, o Zoti i emë e po t’a dii per ndeer per t’mira qi m’ke baa, maa shëndritë, po t’lutem, menden teme e m’a xejë zemren qi t’a njofë, t’a due e t’a ndieki per herë ma fort Zemren tande, o Jezu Krishti, qi jee rruga, e verteta e t’gjaalltit, n’gjitha kto t’mira e vyrtyre qi po m’i mson sidomos: GATIMI I PARE & DYTE (ma poshtë), e banë qi mos t’i kundershoi ma shëndritsinave tua, por t’pertrihem prore nder vyrtyte tui jetue krishtenisht t’mund des n’hiir t’andë. O Zoja e Bekueme m’ndimo per m’e ju pergjaa Birit t’andë t’hyjnueshmit. Shejti Jozef, Enjilli i Rois e t’gjith Sheitnit e Parrizit lutnije Zotin per mue.

Dita e Katërt

Gatimi i Parë: Nguli syt n’tabernakull shejt. Pertrije punen e besimit t’gjallë n’këtë t’vertetë fejet. Ndigjo fjalt e ambla qi Jezu Krishti t’thotë: “Qe Une jam me ju per ditë, deri n’t’sosun t’shekujve.”

Gatimi i Dytë: Lypja ndimen per me marrë veshtë dhantiin qi t’banë me ja ditë per nderë.

Mendimi i Parë

S’ka kenë as s’ka me kenë kurr kohë t’cillen mundet njeri mu laa tu u cue peshë kundra Zotit, por me kenë punë qi bahet, kish per t’kenë ma i leet mkati i baamun kur i Lumi s’mendon per ne as s’na ban kurrnji t’mirë. Por s’asht se si me qillue kjo soj kohet, mbasi per ças jena rrethue fund e maje prejë t’mirave t’Zotit, e ky per oor na njet doren n’t’gjitha nevojt e pak me na lshue me nji herë shqimena e kthehna n’pakenunin ton. Por e zeza e mkatnorit oreo t’mirat, qi Krishti shprazë n’Sakramend t’lterit, ku na difton shejë t’dashtniis t’pamasë me kaq shum mrekulli saa me besue ket temel lypet feja per mos me pasë kurr fare ndryshimit. Kerkuj si kishte mujt as n’mend me i raa, por shka s’mendoj robi e hartoi e e çoi n’vend Zemra e Jezu Krishtit me t’gjithpushtet t’Vet.

O shpirt i krishtene qi po e kujton ket vertetsii, peshoi mirë kto dy punë, mirsiin e Krishtit, qi ep t’gjithvetvedin n’Eukaristii e sherrin e njerziis qi me harresë t’panjerzii, me t’ftoftë e me pritesë e shperblen per s’mrapshtit këtë ndeer t’pashoqë.

Mendimi i Dytë

Kujto sa fort i ra n’hater Zemres s’Jezu Krishtit, si mos t’kenke Zot, me ule madhniin e Vet per me ndejë permbi lteer me nee pa praa, as me pasë kenë shpijar i jonë.

Ktu asht bab i dhimshem, dashamir i gjithfuqishem, çoban e mik per zemer, ktu e gjejm mësues, mjek, ktu flakron n’dashtnii t’permallshme tu na u baa dritë, udhe e t’gjalltit tonë, krue i hireve e pengu i lumniis t’pasosme.

A do me adhrue? Adhroje – A do me i fole me t’madhe uzdajë? Foli, pse e kee per herë lejen e do me ti ndigjue lutjet tua.

A do mu pjeke n’Te? Asht perherë i gatshem per me t’pritë, e kerkush s’ta nal rrugen per me i dalë para. A do me marrë per shujt t’shpiirtit t’and? Merre me shpnesë pse t’ep edhe liriin me shterngue e mu knaqë saa here t’keesh dishiir? Pastafat rri ktu tui t’thirre e tu t’prite, madje t’urdhnon me marrë n’zemer saa ma shpesh t’mundesh.

Mos me e pasë lidhë Kisha, shkaku i panderimit, kishe mujt edhe sot, si t’krishtenet e moçem, me çue te shpija e me ndejë me Te nen nji kulm. Pak gjaa me marrë vesht madhniin e Hyjniis t’Jezu Krishtit kishte me na u dukë dashtnija e Tii kaq e pamarueme saa mos me pushue tu u çudit prej ksaj mirëbame t’pakufii. Asht me udhë, o i krishtene mu xee per ditë ma fort kahë ky Sakramend t’dashtniis e diftoje ket t’xeet t’and edhe per jashtë tu krye me zell, saa ku mrrin fuqija, do vepra qi janë t’pelqyshme Shelbuesit t’and.

Mu pjekë per ditë n’Jezu Krishtin, me adhrue e me ja zblue nevojet tua e me ju falë ndeers e me marrë n’zemer saa ma shpesh t’mundesh me t’madhe perkushtii.

Mendimi i Tretë

Mendo se n’vend t’xeetit e t’nderimit, qi per shum arsye asht i dejë Krishti me pasë n’ket Sakramend, ma t’shumen e herës s’ka tjeter veç se t’fyeme e t’perbuzuna.

Ven oroe se saa fee’lshusa i biin mohit praniis t’Jezu Krishtit n’Eukaristii, e ja veen kamen.

E therin at Zemer t’Hyjnueshme t’pandeerimet e t’ftoftit i shum t’krishtenve, qi s’gashohen Kungimit, po e marrin shejtas si per zakon e me t’daravituna me vullnet. Ja griin edhe ma fort ata t’krishtene qi s’kan gajle mu kungue me mkat mortar n’shpirt e kshtu e ngermojn e i japin mundë me hii n’nji zemer, qi asht nen pushtet t’ferrit. Saa e saa gadi krejt e kan lshue e shkojn rrallë n’kishë e pak o aspak se kujtojn at dashtnii t’asajë Zemer t’madhnueshme, qi shkriihet pa ja daa per njerz. Kush i mendon me temel kto vertetsina s’ka si mos me xanë nevojen, qi do t’keen i krishteni me i shperblye gjith kto t’sh’njerzina. Mbasi praa dashtnija e vertetë do t’diftohet me vepra, qe mëndyra per me ngushllue Jezu Krishtin. Ti e di se shum t’krishten e kan qitë n’harresë, orvatu ti mu pjekë n’Shejtin Sakramend saa ma shpesh e xetas. Po shef se disa se kan at urti shtatit n’shpi t’Zotit, rri ti me t’madhe pervujtnii, kqyr se saa po kungohen rrall e kur t’marrin Krishtin s’ka kurrfarë perkushtijet, madje nji palë aviten kungimit me mkat mortaar, kujdesu ti m’e marrë shpesh, me t’gjith t’xeet e sa ma mirë pastroje shpirtin. Shkurt ma, filli i ksaj perkushtii asht shperblimi qi do t’ja falim Krishtit sidomos me uratë, me pasqyrë t’mire, e kuer t’binë rasa edhe me bisedë t’mira.

Urata

Jo, o Jezu i ambel, s’kam me t’harrue kurr mbas saa provë dashtnijet, qi ke diftue n’ket Sakramend. Po t’lutem me m’ndimue mos t’ndollin n’mue, qi mos me ta diit Tyy t’miren: madje mbas sodit ka me m’pase keq zemra per gjith ato t’fyeme qi t’bahen Ty. T’lutem mos kjoftë thanë me ma shkrepë edhe mue nder syy at ankim qi ja lshove Cifutneve: “Kqyra pale a po m’gushllon nokush, e su gjet asnji.”

Une qi ta kam falë gjithvetvehten per me ta nderue n’nji mendyrë t’posaëme Zemren T’ande, po t’ap fjalen qi due me i shperblye saa ku t’mundemi, gjith ato t’perbuzuna qi kee pa praa n’Eukaristii.
Ti, o Jezu em, lshoje prej Zemres s’ate n’temen nopas asi dhimet me t’cillen kje mush e Jotja: e mos mujsha me i laa me gjak tem kto t’fyeme, le ti laj sadopak me vaj t’zemres e me zell t’flakruem.

Ban qi ta pertri edhe nder tjer ket pendim e ket t’xeet e kshtu t’kemi fatmirsiin me i shperblye shandulliit qi kan dhanë e ta gazmendoj Zemren T’nde pezmatue prej saa mkatesh.

Lulja e Shpiritit

Bekue kjoft Jezu Krishti nen hije t’Ostes.

Kjoft levdue e ndeerue per gjith vend

I Shejtnueshmi Sakramend

Ndollia

E lumia Margerite Alakok, si na kalxon jeta e sajë, patë t’madh zell per me nderue e me adhrue Zemren e Jezu Krishtit n’Sakramend t’lterit. Knaqa e sajë ishte me ndejë para Krishtit e per ditë shkote mu pjeke n’Te, por sidomos nder kremet mbasi s’kishte gjith aq pune n’mungade s’ngrihej kurr tu u ndalë n’kishe gjith kohen e dites pa u davarite e pa e bjerrë urtiin e shtatit e me ndeerimin t’madhe per mbrenda e per jashta.

Rrite e Lumia prore n’dyy gjuj, pa pshtetë e pa lujt aspak e me duur t’perpjekuna n’parzem e pa i daa syyt prej lterit, ku gjindej gjith Dashtnija e sajë. Hera herë me u pasë habitë ndoj grimë, e paditte vedin me t’pervujtë e me lot per faqe lypte t’falem e e late at faj t’vogel me pendesë fort t’randa. Shoqet u bindshin per ket shterngim t’foort, e nji dite i thanë: “Po ti si i shtrohe pendeseve kaq t’mdhaja per faje kaq t’leeta?” Margerita ju pergjegjte: “Mesuesi i Hyjnueshem m’ka baa me diit se kto t’davarituna mendjet e kto t’panderime para t’Shejtnueshmit Sakramend e sidomos n’kohë qi çohet Mesha Shejtë ja pezmatojn, ja derptoin per pellk zemren.”

Ndii tash, o lexues i dashtun, fjalt qi i la t’shkrueme kjo sherbtore e Zotit. Oh ç’t’mira e hire t’panjehuna i bjerrë ai i krishteni qi i ban n’asgjaa kto faje t’leeta e, me njoftë t’zezen e ktyne mkateve s’kishte me lanë pa i rallue e pa u shporrë faret.

Muaji i Zemrës së Shenjtë të Krishtit, P. Enjell Sereqi S.J. – Dita e Tretë

Muaji i Zemrës së Shenjtë të Krishtit, P. Enjell Sereqi S.J. - Dita e Tretë

Urata e Gatimit

Une po besoj me nji fee t’gjaallë se jam para madhniis sate, o Zoti i em, eja o Shpiirtë e Korpë per me i dalë para Si e me adhrue.

Dita e Tretë

Gatimi i Parë: Ta kesh para syze Zemren e Jezu Krishtit porsi n’nji furrë t’zjermit; e na thote kto fjalë: Kam ardhë per me prue n’tokë zjerm dashtnijet, e s’dishroj veç se t’nezet unjii.

Gatimi i Dytë: T’ja lypim ket dashtnii, e t’a diftojm me vepra t’mira.

Mendimi i parë

T’tanë ligja e Krishtit permbledhet n’ket fjalë “Dashtni”. O ligjë e amel e e dejë per Zotin qi e ka goditë per robin qi i shtrohet. Ai qi ka krijue zemren e njerit, e di mirë se sasht tjeter lidhnijë ma e fuqishme per me thye, sa dashtnia. I Lumi shum urdhnime na ka vu, por t’gjitha vrasin qiktu. T’kesh dashnti – e kjo asht qendra e t’tana urdhnimeve. “Qiky a urdhnimi Jem, qi ta keni n’hater Zotin e shoqin tuej, sikurse Un ju kam pas n’hater, e ky asht sheji, prej t’cillit Un kam me ju njoft per t’miit.”

Sh’Pali thotë: Ai qi pernjimend ka kyt dashtni e ka krye gjith ligjen e Zotit.

O Jezusi jem, e si kam me ta shperblye nderen qi m’ke ba tu m’urdhnue me t’dashte: Mjaftote me m’dhan veç liriin, po t’tham çuditun me Sh’Agustinin, se me nji urdhnim t’posaçem m’ke nxitë me t’dashtë. Kjo nderë m’vjen prej mirsisë t’pashoqe t’Zemres sate.

Mendimi i dytë

Peshoje mirë se t’kryemit e t’gjitha detyrave qi ke me Zotin rrahë per me t’rritë e me t’lulzue n’shpirt t’andë dashtniin. E praa ket t’mire pa gjith at mundë ke me e pasë plotsisht neper ket perkushtii, qi t’çon fillë te Zemra e Jezu Krishtit e cila asht si nji furrë e nezun ku flakrojnë shpirtnat ma t’ftoftë.

Vet goja e Krishtit i foli qishtu t’Lumes Margarite: Unë po t’premtoj qi Zemra jeme ka muu s’gjane per me i shprazë me mjeftësi dashtniin e hyjnueshme permbi ata qi kan me e nderue.

E n’nji tjeter vend thotë: Kjo perkushtii ka me ndezë dashtniin shejte nder shpirtat ma t’fort, e ka me i pertri ata qi jan ftofë.

S’ashtë vshtirë me e marrë vesh ket t’vertetë si t’veem orore se kjo perkushtii s’na flet tjeter veç se dashtnii. Na e qet para syve Zemren e Krishtit shkriimun flakë per njerz. Qellimi i kësaj perkushtiet asht me i shperblye sa t’fyeme, qi pa praa i bahen tu mos me ja dite per ner e tu i pergjegjë si a ma zi t’mirave Tija me gjith farë mkatesh.

T’kryemit e ksajë perkushti janë hove dashtniet e efshime ma t’kullueme, qi e ngushllojn at Zemer t’derptueme. Me i fjale kjo i mbledhë n’vedi gjith çka mundet me i dhanë shkas kësaj flake shejt tu shtii n’mend dashtniin e pamasë t’Shelbuesit tonë, qi na ka diftue sidomos n’Eukaristi e n’mundime qi hoq dikuer per ne.

Me udhë pra kto dy sheje dashtniet janë thirrë prej Shejtnave, shkollë dashtniet t’Hyjnueshme.

Mendimi i Tretë

Mbasi ma i pari fryt i kesaj pemes t’jetes asht fitimi i dashtnisë t’nezun ndaj Zotit, kujdesu o lexues i dashtun me e kap me zell kyt visar e me ja miratue vedit sa ku t’mundesh. Si t’ngulin permrenda rrajë kjo dashtnii shejtë ka per t’a mbajtë n’shpirt t’andë hirin e mirsiin e Zotit, pse s’asht punë me dasht pernjimend nji mik e n’at ças edhe me e perbuzë. Kjo ka me ti shumue meritimet n’regjini t’Parrizit, mbasi gjith çka t’veprojsh me dashtnii vin tu tu shtue edhe hiret e t’mirat; kjo ka me t’dhanë fuqi per mu vaditë n’vepra perkushtijet e mu regjë trimnisht nder vyrtyte t’cillat lypin pa ja daa shterngimin e vehtes; por s’asht e vshtirë, madje t’ka zemra gzim kur hjek keq per ndokend qi ke fort n’hater; kjo ka me t’dhanë nji uzdajë t’saktë per lumni t’qilles simas fjals t’Krishtit: “Kush m’do ka me ken dashtë edhe prej Atit Tem; e kaq perzemer kam per t’a pasë, sa me i falë edhe vetveten…”

Qe sa t’mira t’mdhaja rrjedhin prej dashtnisë e cilla ndezet e flakron me ket perkushti t’Zemres t’Jezu Krishtit. T’bie pra fort per shtat e per dobii me e marrë mrapa me kujdes e mos me lshue kurr sa do e vshtiir ka me t’u dukë n’fillim.

Sikuer flaka e zjermit t’rrebte lypë mu shperdaa e s’asht send me nejë ndryt, qishtu edhe dashtniia kerkon mu hapë gjithkahë.

Ne paç n’hater Jezu Krishtin e ne ja daç fort t’miren vedit mundoju sa ku t’mundesh me xee edhe tjeterkand n’kyt perkushtii.

Uratë

O e shugurueshmja Zemra e Shelbuesit tonë, si mundem me kujtue bukurinë t’ande e mos mu ndeze n’dashtnie per Ty. O Jezu, Jeta e jetës s’eme, Zemra e zemers s’eme, Shpirti i shpirtit tem, mbasi veç Ti je i denj me kenë dashtë me gjith fuqi, kur kam me ken krejt i joti? Mbas sodit gjuha jeme s’ka me folë veç se punë tua, syt e mi s’kan me kqyr veç se Ty. o Jezu, ment e mia s’kan me menu veç se Ty, e zemra jeme s’ka me rrahë as s’ka me gjallitë veç se per tyy Jezu, qi je bukuria, amelcimi e dashtnija e pasosme.

O e mira e paçmueshme, n’mos e shkosha jeten teme tu u shkri n’dashtnii per ty, ça m’viin t’gjalltit? A mund t’thirret jetesë ajo qi s’shkohet tu e dashtë Zemren t’ande?

C’t’mire tjeter mundet mu gjetë n’qiell a n’toke e cilla asht e dejë me kenë dashtë sa Ti?

O Jezu fort i dashtun, a ka me i lanë Zemra Jote me shkue kot dishiret e mira pa m’i kqyre? Un dishroi me ken krejt i Joti e mu shndrrue krejt n’Ty, e mos rrnosha ma unë, por vetë Zemra jote rrnoftë n’mue. S’due me jetue veç se per Ty e permrenda Zemres s’ate flakrosha n’dashtni t’pasosun. E kshtu mund t’des i sosun prej ksajë flake qi u jep t’gjalltë e vertetë, atyne qi n’te shkrihen.

Lulja e Shpirtit

Ma i madhi ngatrrim qi ta ndalë dashtniin asht vesi qi t’nep ma fort merzi. Rmoje vedin e kqyr cili asht ai ves qi t’zotnon e s’t’len mu dhanë krejt kahë Zoti; sot shtroje tri herë per hater t’Zemres Krishtit.

Zhgjetoreja

Ma nep zellin n’sherbesë Tande

Tyy po t’lutem, o Dashtni

Ma ndez zemren gjithunjii.

Ndollia

Sh’Gjeltrudja, si lexojmë n’jetë t’saj, u muer nji ditë me mend te Zoti e n’at vegim ju duk Sh’Njon Unjilltari per me i zblue do deftime fort t’nelta. Shejtnesha muer zemer e po e pvet: “Ti, o Apostull, qi kije dishepulli i dashtniis e pate fatin me pshtetë kryet n’t’mramen darkë mbi krahnuer t’Jezu Krishtit e i ndieve flakët e atii zjermi t’hyjnueshem, si mos me lanë t’shkrueme n’Unjill kurrnji fjalë permbi ket Zemer t’shugurueshme per dobii t’besimtareve?”

E Sh’Njoni ja priti me at pergjigjen fort t’permendun e t’gazmueshme per ne: “Une aso kohet shkrova per t’mire t’Kishes Shejtë, qi s’parit t’leete, fjalët e t’Birit t’Atit t’Gjithpushtetshem si e lypte athere nevoja, per me i shti kthellt rrajtë e veta Feja, por i Lumi e pat lanë per me kallxue Zemren e vet n’marim t’shekujve, kur kishin per tu ftofë njerzt n’dashtni kah Zoti, e ky t’xeet do t’pertrihej gjithkahë neper ket perkushti.”

Na, falemi nders Zotit, ja kena mbrrire ksajë kohe per t’cillen foli athere ky Apostull i dashtun. Kand e kand po shofim, se flakët e dashtniis shejte po viin tu u sosë nder shumë t’krishtenë. E si kan per tu ndezë? Me perkushti t’saktë ndaj Zemres s’Jezu Krishtit. Pra, me zell merre mrapa, o lexues i dashtun, e shpejt edhe n’Ty kan mu vertetue fjalet e Sh’Njonit sikuer n’saa t’krishtenë qi ja kan pasë kujdesin shpirtit. T’lutem mos prito per mu dhanë krejt mbas ktij visari kaq fort t’çmueshem, e s’ka me s’gjatë shumë per me ja pa t’maren vedit.

Muaji i Zemrës së Shenjtë të Krishtit, P. Enjell Sereqi S.J. – Dita e Dyt

Muaji i Zemrës së Shenjtë të Krishtit, P. Enjell Sereqi S.J. - Dita e Dytë

Urata e Gatimit

Une po besoj me nji fee t’gjaallë se jam para madhniis sate, o Zoti i em, eja o Shpiirtë e Korpë per me i dalë para Si e me adhrue.

Dita e Dytë

Gatimi i parë: Ta kesh para syve Jezu Krishtin me Zemer t’vete t’çilun e t’kqyrë me dhimë per me t’baa t’lume

Gatimi i dytë: Lutu per me t’baa t’dejë per herë ma fort, kshtu me hi n’pjesë edhe ti t’ktyne t’mirave

Mendimi i parë

Jo veç do t’nxisin, o lexus i dashtun, per me kapë me tarvatun ket perkushti t’bardhe mendimi i neltmadhnis t’kesaj Zemer, qi asht pernjimend e Zotit, sikuer dje ke mendue, por edhe premtimet, qi vetë Jezu Krishti i ka fole atyne, t’cillët kan per ta nderue Zemren e vet. E mira e shpirtit e lyp kët zell. Sa nevojë t’madhe ke per hire tZotit pa t’cillat s’munesh me punue kurrgja t’mirë; qishtu na meson Feja, e Shelbuesi jonë na tha n’Unjill: pa ndimë Teme s’mundeni me ba kurrnji send. Pak gja me kujtue mjerinë tande, me i here t’mushet mendja se pa tu perkrahë Zoti s’ke kurr farë fuqiet.

Xeje Fenë e t’biin nder mendë, qi Jezu Krishti asht e verteta e pamarueme, prandej s’mundet mu rrejt as se han fjalen qi e ka dhane per t’mire t’atyne, t’cillët kan per tu lutë Zemres t’Vet t’Hyjnueshme.

Qindro pa praa n’uratë, e lypë t’mirat qi kee nevojë pa ngurrue n’ket kujdes tandë.

Si ti marrësh me mendë kto premtime t’çmueshme per t’sakte hovi i t’xeetit ka me tu shtue n’shpirt tand.

Mendimi i dytë

N’nji asi vegimesh, me t’cillat Shelbuesi jonë e ngushëlloi t’Lumen Maragaret Alakoke, i tha, qi hire t’posatëme kish ba gati per gjith ata, qi kishin per ta ndjekë ket perkushti e dishrote qi Zemra e Vet t’jet per gjith kta t’krishtenë porsi nji gurrë e pashterrshme per me i mushë me hire t’panumerta. – Pertriju n’zeell e bane per vedi ket perkushti, pse atherë edhe per ty jan kto premtime t’pashoqme.

E cillat janë? Qe si dolen prej gojës s’Jezu Krishtit.

Kam me i dhanë t’gjitha hiret e nevojshme n’cfaro rruget qi t’ket marrë.

Kam me i dhanë pagjen ndër shpia t’tyne.

Kam me i ngushllue ndër idhnime t’tyne.

Kam me kenë streha e fuqishme n’jetë e sidomos n’dekë t’tyne.

Kam me i shprazë me mjeftësii bekimet permbi vepra t’tyne.

Mkatnorët kan me gjetë n’Zemer Teme mëshir t’pakufi.

Shpirtnat e ftoftë kanë mu xee n’Zemer Teme.

Shpirtnat e perkushtuem kan me mrritë me t’shpejt n’nji shejtni t’pamasë.

Kam me i bekue ato shpia ku gjindet fugura e Zemres Seme.

Kam me i dhanë meshtarve dhuntien per me i prekë e me i zbuta zemrat ma t’fortat.

Gjith ato qi mundohen me perhapë ket perkushti, kan me pasë t’shkruem emrin e vet n’Zemer Teme e s’ka mu shlye kurr.

Po t’premtoj n’plotnii t’meshires t’Zemres Seme, qi dashnia e Sajë e panjehun do mu shpraz unjii permbi ata, qi kan me marrë Kungimin Shejtë per 9 muj rresht n’gjith t’paren t’premte t’mujit, ska me i ardhë deka n’mniie Teme, as pa Sakramende, qi Kisha Shejtë jep n’çase t’dekes: Zemra Eme n’at ças t’vshtir ka me kenë strehë per ta.

O ç’premtime t’kandshme e t’dobishme janë kto: orvatu me ja dit pahin.

Mendimi i Tretë

Animaa mendo mirë mos t’shkojn kot per ty kto farë premtimesh e t’ja kesh hatrin shpirtit tandë tuj e lulzue me kto hire. Në kjoftë qi deri sot ske pasë gjith ato t’mira, rmoje pak vedin, pale a je shmangë prej kësaj perkushtii? – dikuer ndoshta ke kenë i xeet e mrapa je merzitë e i ke lshue ato vadina a punë pershpirtshme. Kqyr a ka kenë perkushtija e jote e unjishme, a veç per faqe e do si do? – Si je tui ndrrue jeten tande e tuj u largue prej atyne mkateve n’t’cillat ka ditë je shty.

Lutja jote a ka kenë perherë e percjellun me uzdajë paperkulun per me pasë gjithça per meritime t’kësaj Zemer t’Hyjnueshme? – Pvete nopak vedin, pade ca t’thotë zemra.

Sot mos u çoh prej kamve t’Krishtit pa ba njet mu shporrë prej atyne fajeve e mu përtri n’t’xeet e n’dashnië ndei Zemren e Shelbuesit tand e kso doret mas fjalet t’Krishtit kan me rrjedhë n’shpirt tandë hiret e t’mirat ma t’sgiedhunat.

Uratë

Ca ka me thanë Zemra Jote e flakrueme, o i amli Jezu, tuj paa sh’njerzinë teme, qi po kerkoj pa praa ngushllime nder kreatyrë n’vend qi me tu lutë Ty e mu pshtetë unjii n’fjale Tande me t’cillen je lidhë me mba mire. Ti per t’sakte je tuj e dertue marrinë e gabimin tem, e Zemra jote sun t’rrine pa u pezmatue n’mue qi t’kam poshtnue sa herë nen sende kote, t’cillat s’munden kurrsesi me m’kondenue.

O e Mira e eme e Dashtun, sa fort m’ke durue e m’ke hatrue edhe kur iksha prej Tejet. E di mirë se Zemra Jote e meshirshme m’ka thirrë n’shum mendyrë per me ma mushë menden se ndër nevojë t’mia te Ti do t’ngas, e n’Ty do ta nguli krejt uzdajen teme!

O zemra eme ende sje zbutë! Ende spo shef gabimin tand? E ç’t’mire ke gjetë n’sende t’kësaj toke mbas t’cillave deri tash je dhanë gjith aq?

O zemer fort e permallshme, qendra e t’gjith zemrave, kroni i gzimeve, i visarit e hireve t’paçmueshme. T’due o Jezusi jem, t’due veç ty permbi t’gjith kafshë t’krijueme: – deh! Fashiti dishiret e mia, m’lumno ndër t’tana vshtirsit, o knaqja e shpirtit tem.

Deh po t’lutem mi helmo e mi çart ngushllimet, qi t’kërkoj mas sodit prej kreatyrve e t’xaa nji herë qi Ti o Zemer e ambel, mundesh e di me m’lumnue pernjimend, sikuer i ke premtue t’gjith atyne, qi e marrin mrapa me qindres t’paperkulun ket perkushti.

Lulja e Shpirtit

Me t’xeet fole tri herë Punen e Dashtnis ndej Zemren e Krishtit, per me e shpërblye t’ftoftin, me t’cillin deri tash e ke dashtë.

Puna e Dashtnis: O Zoti em, Ty, qi je fort i dashtun, Mirsi mi tana t’mirat, unë t’dua me gjithë zemer e me gjithë fuqin e shpirtit tem, per dashtnin t’ande e dua t’afermin tem si vedin. O Zot, m’nep mundsi me t’dashtë perher e ma shumë.

Zhgjetoreja

O Krisht m’flakro n’dashtni

Zemra e Krishtit gjith dashtni

Ban qi t’dojn e emja unjii

Ndollia

N’1896 nji vajz prej Belgjiket ja çoi t’shkrueme me kto fjalë t’sjellunit e saj kah Zoti, Drejtorit t’Elcijes.

Kur e kapa t’dymdheten vjetë m’shtiinë n’nji mësojtore ku m’gjet e zeza, e hupa pastrin e mrapa edhe Feen. Kush m’bisedote permbi punë t’shpirtit e t’Fees pa kurr farë marret e vesha n’lojë e u zgërdhisha.

Nji ditë mas msimit, e para m’bertiti rrebtë e mu kercnue bukur fort, at herë une mora pezëm e tuj u sjellë kahe sheitani i thaçë “Eja o djall, e ma merr zemren teme, pse ty po ta truj, asht e jotja e kjoft e jotja pergjithmone.” N’at ças mu davarritë krejt pagja e mu duktë si me pasë pasë fundin e ferrit per mrenda mejet. Prej t’vshtiret m’kishte tretë ftyra e u shifshin edhe perjashta tana shejet e dishprimit. N’ket mjerim ju dhimshe edhe gurit e per fatmir temë m’ndeshi Zoti nji mikneshë, e cilla tuj mpa n’at mjerni ma mushi menden me fillue nji nançe (Novena – 9) Zemres t’Krishtit. Unë per me e hjekë qafet e ma fort si per bindë i ndigiova, madje t’mramen ditë t’nançit çova lmoshen per mu thanë nji Meshë n’lavdë t’kësaj Zemre t’Hyjnueshme. Sdi as vet me diftue si u ndrrova me nji herë. Mbas tetë vjetë t’dishprimit m’leu prap shpnesa n’zemer teme. U rrfeva si a ma mirë e me gjith t’xeet mora Jezu Krishtin n’Kungim, e mu baa n’at ças si me i ndije kto fjalë: “Cou, se t’jane shlye mkatet tua.”

Qe sa mirë vertetohet premtimi i Krishtit: Qi “mkatnorët gjejn n’Zemer Teme kronin e mshirës t’pamarueme.“

Muaji i Zemrës së Shenjtë të Krishtit, P. Enjell Sereqi S.J. – Dita e Parë

Muaji i Zemrës së Shenjtë të Krishtit, P. Enjell Sereqi S.J. - Dita e Parë

C’do gjaa send saa do e bukur e e kandshme me kenë nuk çmohet pa u njoftë pahi i sajë, por saa ma fort t’njifet aq ma fort i ngrehë t’gjitha zemrat prej vedit.

Kjo vertetsii delë n’shesh kuer vjen puna me njoftë sidomos Jezu Krishtin e Zemren e Tij, qi a e mira e pamarueme; sepse saa ma me temel t’a njofim, aq ma me t’zeet kanë per t’u shkri zemrat t’ona n’dashtnii per Te; e atherë, si me thanë, kishim mu zhytë n’ket krue t’pashterrueshem t’gjithave gëzimeve, mbasi ky t’njoftun na e zgjaan prore t’kqyrunit t’onë n’ketë deet t’pamasë t’Lumniis t’vertetë, na banë me harrue nji faret t’miren t’onë si kahë shpirti si kahë korpi tui u knaqë krejt n’Vetëtmiren e pamarueme n’vetvedi, e këndei edhe rriedhe unjija e jon kryekput me Te.

Me rrugë praa Sh’Pjetri na thotë: Shkoni tui e njoftë per herë ma fort Zotin Shelbuesin tonë Jezu Krishtin. Prej ktii t’njoftunit i çmueshem ka me na ndollë edhe nee sikuer, atii qi kqyrë diellin i meren syyt e per nji copë here s’shef kurrgjaa veç se diell, njishtu edhe dashtnija e vertetë n’Jezu Krishtin ka me na daa prei asai dashtnii kote t’kreatyrve e t’kafshve tkrijueme.

Paste fuqii ky liber i vogel per me njoftë e me dashtë Shqypetarët prore ma fort Zemren e Shelbuesit e Zotit tonë Jezu Krishtit, atherë per t’dreite kam per t’kenë fatbardhë e ka per t’mu shpërblye ky mundë i leet qi e kreva per ma t’madhen ndeer e lavdë t’kësai Zemer t’hyjnueshme.

Kto kuitime, uratë, zhgjetore, lulze e ndollina qi gjinden n’ket liber munden me t’vieftë fort, o këndues i përkushtueshem, jo veç n’muj t’qershorit, por edhe n’tiera koh tmotmotit…

N’Shkoder me 3 t’Gushtit 1911

P. Enjell Sereqi i Shoqnise t’Jezusit

Urata e Gatimit

Une po besoj me nji fee t’gjaallë se jam para madhniis sate, o Zoti i em, eja o Shpiirtë e Korpë per me i dalë para Si e me adhrue.

E Para Dite

Disa arsyena per me marrë mrapa me zell mujin e Zemres t’Jezu Krishtit.

Gatimi i Parë: Ta keeshë para syysh Jezu Krishtin qi tui t’a zblue Zemren e Vet t’thotë: Qe Ajo Zemer qi kaq fort t’kaa dasht. (Gatimi i parë a si nji free per me ndalë menden tonë mos t’daravitet n’kohë t’kuitimit)

Gatimi i Dytë: Lypi ndimen per me nderue me kujdes n’ket muj at Zemer t’Hyjnueshme. (Gatimi i dytë asht nji hirë a premtim qi dona me xierre prei kuitimit e prandei ja lypim Zotit qyshë n’fillim)

Mendimi i Parë

Per t’sakët peshimi i ktyne arsyenave, o këndues i dashtun, ka me pasë fuqii per me t’zee unjii mbas ksai perkushtimi t’amel.

Mendo me temel se e kuja asht kjo zemer? – e pik s’parit ven oroe neltmadhnin e Sajë.

Feja na mson qi i Biri i Tenzot n’t’mishnuem t’vet muer nji korp e nji shpiirt n’krahnuer t’Zojes Bekueme per vyrtyt t’Shpirtit Sheit, e n’at ças edhe zemra e Tij u pernjit hyjniis n’nji Vetii t’hyjnueshme: e pranei kjo Zemer asht e hyjnueshme, d.m.th. Zemra e Zotit. Ai i Lumi gjallitë dyy jetë, t’niriis qi asht sikuer ajo e jona, e t’hyjnis, e cilla asht vertet e Perendiis. – E praa tana adhrimet e ndeerimet ma t’neltat, qi i diftoim kësaj Zemer shkrepen n’hyjnii. – Sikuer vendaliit e qielles pa ja daa e adhroin me at ndeerim qi i perket vec Zotit, qishtu edhe na ktu n’tokë tui u permyzë perpara fugurave t’Saja adhroim Atë Zemer qi lumnon n’Parriiz e asht per jetë t’jetes gëzimi i Eive e i Sheitaave.

Oh ç’t’zeet kaa per t’u pertrii n’shpiirt t’andë ne e paç ket farë besimit t’gjaall, e atherë edhe luta ka per t’kenë ma e ndezun, pse ka me t’u baa si me fole me Zemer t’Zotit t’andë.

Mendimi i Dytë

Mendo saa e dejë asht kio Zemer per me kenë ndeerue prei t’mirave t’panjehuna qi janë mledhe n’Te.

Sh’Paali na thotë se n’Te gjinden t’gjitha visaret e ditunies e t’dijes t’Aatit me plotnii t’kendunit e hyinueshem: kndei t’mirat e Saja s’munden me kenë ma t’mdhaja pse janë t’panjehuna e t’hyinueshme. Mushë me gëzim thui Zemers s’Jezu Krishtit. Ti jee e paster e vet pastria e Zotit. – Ti jee sheite e vetë sheitnija e Zotit, gjithpushtueshme, gjithmshiirshme, unjii besnike, gjithfuqishme. – Kjo Zemer praa porsi kroni i t’tana hiire t’mirave ka me dijë me kenë dasht e adhrue saa asht i deji vet Zoti. O Jezu i dashtun, ndoshti qi tash per t’paren herë po i njof kto visare t’pamarueme, qi kaq me plotnii janë mledhe n’Tyy: e sikuer ai i verbti i Unjillit, qitash po filloi me i çile syyt per me e paa madhniin e hijeshiin tande. – Mirfillit mundem me thanë me Sh’Agustinin: – Oh bukurii kaq e ree e kaq e hershme! – kaq e hershme saa asht i hershem Zoti, e kaq e ree per mue qi deri sot s’t’kam njoftë as t’kam diit gjith aq saa duhet.

Mendimi i Tretë

Do t’a nderosh ket Zemer per me ja diit t’mirat qi t’kaa baa. Peshqeshet ma t’mdhajat, qi kee pasë n’ket jetë prei Krishtit, janë Feja e i Shejtnueshmi Sakramend i lterit. Feja asht porsi temeli i t’tana dhantiive: e Sakramendi i lterit ka n’vedi baasin e kronin e t’gjitha hireve. Tash ti kto dyy dhantina kaq perneltueshme t’riedhin ndreit prej Zemres t’Krishtit porsi prei gurret. Na ban me diit Sh’Njon Unjilltari, qi si diq Krishti n’krygj, me nji heshtë kie depertue Zemra e Tii e prei aso varret i duelne disaa pika gjak e ujë. Ky gjak e ky ujë, si e zhdrivillon mirë Sh’Njon Gojarti, jaë çmime dashnijet, qi na qesin çiltas kto dyy peshqeshe. Feja sheite asht shenjue nat ujë, qi asht landa e Pagzimit, e nat gjak a shenjue Sakramendi i lterit n’t’cillin asht ver e vertetë Jezu Krishti. Merre vesht nderen qi t’ka baa Shelbusi i jyt ne pac nji sakramend i cilli t’shlyene mkatin e rriedhshëm t’dukon n’shpiirt feen, shpneshen, dashtniin, t’ban birin e Zotit n’shpiirt e mirazçiin a trashigimtarin e Parrizit, kreit do t’ja diish kësaj Zemer t’shugueshme, qi t’a ka baa fatmirsiin. Në muish sot me marrë korpin e Krishtit e me mbaitë shpiirtin kahë hiri i Zotit, fiill tvien kio ndeer prei Zemres t’Krishtit. Si kee me muite me i kuitue kto verteta, e me kenë aq i ngathtë n’sherbesë t’kësai Zemer kaq fisnike e dashamire?

Merre me mend nevojen e madhe, qi kee me i pergjegjë ktyne dhantinave me vepra sheite sidomos n’ket muj.

Uratë

O i amshueshmi Zot, qi i kee thane t’Lumes Margarite m’lypë çka t’duesh per hater t’Zemres t’Birit t’emë e kam per t’a ndigiue lutjen: edhe une pshtetun n’ket fialë tande po permyzem para madhniis sate e po t’lutem me t’pervuitë n’emen t’ksai Zemer me mdhane hirin per me e dashtë e me ndiekë Jezu Krishtin sidomos n’ket muej, qi po ja kushtoj unjii.
Ti, o Zot, mu perkrah n’ligshtii teme e mep fuqii t’qindroi nder vepra t’mira e per ditë ma fort t’a ndeeroi me t’xeet ket Zemer t’hyinueshme. Ban qi tui e marre mrapa ket perkushtii t’ngushlloi Tyy e t’xiir t’madhe dobi per shpiirt sikuer Ti vet ke dhanë fialen. – Kio uratë asht fort e pelqyeshme para Tejet, pse asht ajo qi na ka msue i Biri i Yt kuer i kallxoi Apostuive si mu lutë: Sheitnue kioft Emni i Yt. – Spo t’lypi ndeer, gjaa e t’mira t’shekullit, kto epia atyne qi t’i dishroin. Unë po t’lypi hiirin me njoftë, me dashtë, e me ndiekë per herë ma fort Zemren e Krishtit, e prandei plot me uzdajë po t’tham me profet Danielin: M’ndigio, o Zot, m’ndii, o Zot, m’kqyre me dashtnii e m’mush me hiire e me t’mira Tua. (Dan 9.19)

Luleja e Shpiirtit

Sot daai puëet e pershpiirtshme, me t’cillat do me e ndeerue n’ket muei Zemren e Krishtit e mos u topit, por qindro n’ta me kuides t’posaçem.

Zhgjetoria

Banë qi t’a due per herë Zemren tande.

Zemra e Krishtit Zotit tonë

Ban qi t’due ma fort gjithmonë

Ndollia

N’jete t’Nikoll Celestinit i shoqniis t’Jezusit shkrue prei P. Termaninit, kendoim qi me 16 t’Qershorit 1764 ky dialë hini n’rishtore t’Shna Nreut n’Monte Cavallo n’Rome, e me shum zeell i shkoi t’parat muj t’jetes t’vet. N’t’dyten vietë me 10 t’Kallnorit e kapi nji lëngat kaq e randë saa e çoi shpeit n’cull t’mordes.

Rishtari i xeet veç per nji punë gjindei n’mendim, sepse prei lëngatet s’muite mu kungue. Fort me zeell ju porosit Sh’Luigjit per me ja baa dhantii kungimin per shtegtim. Nuk giati shum e i raa n’fash’e liga e me marrë pa vshtiir Jezu Krishtin n’zemer e si e patë ket mirsii me pagje t’madhe gaçohei dekes.

Por Sh’Luigji dote me e shendoshë. Ju duk çiltas e po i thotë. – Shka do ti? A shëndeten a deken? Diali i pergjegjë – U baftë vullndesa e Zotit. – E mirë praa ja pret Sh’Luigji Zoti do me t’dhane jeten, por me ket kusht qi t’a shkosh unjii kndei e mrapa rrnesen t’ande tui perhapë gjithkah përkushtiin e Zemres t’Krishtit, e cilla asht fort e pelqyeshme para Zotit n’qiiil. Mos ti harroim kurr kto t’mramet fiale t’Sh’Luigjit, me t’cillat na siguron qi ket perkushtii e ka n’hater e n’begenii a pomi n’nji mëndyrë t’posaçme i madhi Perendii. Per t’vertete ky mendim ka me na dhanë nji shkasë t’kandshem per me hiekë çdo papunii nket muei.