Jeta e Shën Gregori Barbarigos
Shën Gregori Barbarigo kishte të gjitha aftësitë për një jetë të suksesshme në politikë, por përkundrazi iu përkushtua shërbimit të Kishës.
Ai lindi në vitin 1625 dhe ishte djali i një senatori nga Venecia e Italisë. Ai ishte një student i shkëlqyer, i arsimuar dhe mori jetën e një diplomati me familjen e tij qe kishte shum lidhje. Ai shoqëroi ambasadorin venecian në disa negociata të rëndësishme dhe udhëtoi shumë.
Pas pesë vitesh me ambasadorin, ai u kthye në Itali për të vazhduar studimet dhe për t’u futur në botën e politikës. Megjithatë, ai shpejt u zhgënjye nga bota politike dhe kërkoi këshilla nga një kardinal që kishte takuar në udhëtimet e tij. Gregori po mendonte të bëhej një vetmitar, por kardinali e këshilloi të ndiqte doktoraturën në drejtësi dhe më pas të bëhej prift.
Dhjetë vjet më vonë, Gregori kishte fituar një doktoraturë në të drejtën civile dhe kanonike dhe u shugurua prift. Aftësitë e tij ishin të vlefshme për Kishën dhe shpejt ai u emërua ipeshkëv dhe më pas kardinal.
Atij iu dha përgjegjësia për dioqezën në Padova të Italisë dhe e drejtoi kishën atje me urtësi. Ai riorganizoi dhe zgjeroi seminaret në rajonin e tij, duke shtuar një bibliotekë dhe një shtypshkronjë dhe punoi shumë për të kryer reformat që Kisha po inkurajonte në atë kohë.
Shën Gregori vdiq në këtë datë në 1697. Reliket e tij prehen në kapelën relikare në Bazilikë.