Shën Mëhilli Arkengjëll
“MI-CA-EL”, ose “Ai që është si Zoti?” E tillë ishte thirrja e kryeengjëllit të madh kur goditi rebelin Luciferin në konfliktin e ushtrive qiellore dhe që nga ajo orë ai njihet si “Mëhill”, kapiteni i ushtrive të Perëndisë, model i forcës hyjnore, kampion i çdo shpirti besnik në grindje me fuqitë e së keqes. Kështu ai shfaqet në Shkrimin e Shenjtë si kujdestari i bijve të Izraelit, ngushëllimi dhe mbrojtësi i tyre në kohë pikëllimi ose konflikti. Është ai që përgatitet për kthimin e tyre nga robëria persiane, që i udhëheq Makabejtë trima drejt fitores dhe që shpëton trupin e Moisiut nga kapja ziliqare e të Ligut. Dhe që nga ardhja e Krishtit, Kisha e ka nderuar Shën Mëhillin si mbrojtësin e saj të veçantë. Ajo e thërret atë me emër në rrëfimin e saj të mëkateve, e thërret në krahun e fëmijëve të saj në agoninë e vdekjes dhe e zgjedh atë si shoqërimin e tyre nga flakët ndëshkuese të purgatorit për në mbretëritë e dritës së shenjtë. Së fundi, kur Antikrishti do të vendosë mbretërinë e tij në tokë, është Mëhilli ai që do të përhapë edhe një herë standardin e Kryqit, do t’i bjerë borisë së fundit dhe do të lidhë së bashku profetin e rremë dhe bishën, do t’i hedhë për gjithë përjetësinë në liqenin e zjarrit.
Reflektimi – “Sa herë” thotë Shën Bernardi, “që ndonjë tundim i rëndë ose pikëllim i ashpër të shtyp, thirre kujdestarin tënd, udhëheqësin tënd; thirri atij dhe thuaj: “Zot, na shpëto, që të mos mbarojm!”
Lutja e Shën Mëhilli Kryeengjëll
O Shën Mëhill Kryeengjëll, na mbro në betejë; qofsh mbështetja jonë kundër pabesisë dhe kurtheve të djallit. Zoti ushtroftë pushtetin e tij mbi te, per ketë të lutemi e të përgjerohemi. E ti, o princ i ushtrisë qiellore, me pushtetin e Perendis, flaki edhe një herë në Ferr satanain dhe të gjithë shpirtrat e tjerë të këqinj, të cilët enden nepër botë per të humbur shpirtrat. Ashtu qoftë!